نادرا میں جونیئر ایگزیکٹو اور نائب قاصد کی بھرتی 2026

نیشنل ڈیٹا بیس اینڈ رجسٹریشن اتھارٹی (نادرا) نے خواتین امیدواروں کے لیے جونیئر ایگزیکٹو (ڈیٹا انٹری آپریٹر) کی واک اِن ٹیسٹ اور انٹرویو کا اعلان کیا ہے۔ یہ مواقع پنجاب کے مختلف اضلاع اور تحصیلوں سے متعلق امیدواروں کے لیے ہیں۔

اشتہار کے مطابق جونیئر ایگزیکٹو کے عہدے کے لیے امیدوار کا انٹرمیڈیٹ یا مساوی تعلیم حاصل کرنا ضروری ہے۔ متعلقہ کام کا ایک سال کا تجربہ رکھنے والے امیدواروں کو ترجیح دی جائے گی۔ امیدوار کی زیادہ سے زیادہ عمر 25 سال مقرر کی گئی ہے۔

ٹیسٹ اور انٹرویو کا شیڈول

فیسل آباد، چنیوٹ، جھنگ اور حافظ آباد سے متعلق امیدواروں کا ٹیسٹ 29 ستمبر 2026 کو ہوگا، جبکہ انٹرویو 30 ستمبر 2026 کو رکھا گیا ہے۔

سرگودھا اور میانوالی سے متعلق امیدواروں کے ٹیسٹ 30 ستمبر اور یکم اکتوبر 2026 کو ہوں گے۔ خوشاب اور بھکر سے متعلق امیدواروں کے لیے ٹیسٹ یکم اور 2 اکتوبر 2026 کو مقرر کیا گیا ہے۔

ٹیسٹ اور انٹرویو کا مقام نادرا ریجنل ہیڈ آفس سرگودھا، 6 گلشن ایونیو، لنک پی اے ایف روڈ، سرگودھا دیا گیا ہے۔ امیدواروں کو اپنے متعلقہ ضلع اور تحصیل کے مطابق مقررہ تاریخ اور وقت پر پہنچنا ہوگا۔

ضروری دستاویزات

امیدواروں کے لیے ضروری ہے کہ ٹیسٹ اور انٹرویو کے وقت اصل تعلیمی دستاویزات، ڈومیسائل اور شناختی کارڈ ساتھ لائیں۔ سرکاری یا نیم سرکاری اداروں میں کام کرنے والے امیدواروں کو این او سی بھی پیش کرنا ہوگا۔

منتخب امیدواروں کی ابتدائی تقرری 6 ماہ کی آزمائشی مدت پر ہوگی۔ نادرا انتظامیہ کو آسامیوں کی تعداد یا ٹیسٹ اور انٹرویو کے شیڈول میں تبدیلی، ملتوی یا منسوخ کرنے کا اختیار حاصل ہے۔

ٹیسٹ اور انٹرویو کے لیے کسی قسم کا ٹی اے/ڈی اے نہیں دیا جائے گا۔ غلط یا نامکمل معلومات فراہم کرنے والے امیدوار نااہل قرار دیے جا سکتے ہیں۔

مزید معلومات کے لیے نادرا کے کیریئرز پورٹل careers.nadra.gov.pk سے رجوع کیا جا سکتا ہے۔

۔